حاسبة الادخار والهدف
عندك هدف: سفرة، زواج، سيارة، دفعة أولى، أو صندوق طوارئ. الحاسبة تحوّل الهدف لرقم شهري واضح، أو تقولك متى توصل لو ثبّت مبلغ معين. بدون عوائد مفترضة: ادخار صافي وواضح.
باختصار
- تبويب «كم أوفّر بالشهر؟»: الهدف ÷ الأشهر.
- تبويب «متى أوصل؟»: الهدف ÷ المبلغ الشهري.
- الحاسبة ما تفترض أي أرباح أو عوائد.
- كل الحسابات تصير على جهازك.
الحاسبة
جرّب التبويبين: كم أوفّر بالشهر، أو متى أوصل.
كيف تحدد هدف ادخار واضح؟
الهدف الواضح فيه ثلاث عناصر: اسم، مبلغ، وتاريخ. «أبي أدخر» هدف ضعيف. «أبي 12,000 ريال لسفرة الصيف بعد 10 أشهر» هدف قوي، لأنه يتحول مباشرة لمبلغ شهري تقدر تجدوله.
أمثلة على أهداف شائعة
| الهدف | ملاحظة |
|---|---|
| صندوق الطوارئ | مصاريف أساسية 3 إلى 6 أشهر. شوف دليل صندوق الطوارئ |
| السفر | احسب التذاكر والسكن والأكل والأنشطة واحتياط. شوف دليل الادخار للسفر |
| الزواج | اكتب البنود كلها قبل ما تحدد الرقم. شوف دليل الادخار للزواج |
| جهاز أو سيارة | ادخر بدل التقسيط، وغالباً بتشتري بقرار أهدأ |
نصائح تخليك توصل
- افتح حساب منفصل لكل هدف كبير وسمّه باسمه.
- جدول التحويل يوم الراتب عشان القرار ينأخذ مرة وحدة.
- حوّل المبالغ المفاجئة (مكافآت، مستردات) للهدف مباشرة.
- راجع التقدم شهرياً: لو تأخرت، عدّل المبلغ أو التاريخ بوعي.
ليش ما نحسب أرباح؟
لأن هدف الحاسبة إنها تعطيك رقم واضح تعتمد عليه: كم لازم تحط من جيبك. أي منتج ادخاري أو استثماري له شروط ومخاطر تختلف، وما نبي نوعدك بأرقام ما نقدر نضمنها. قبل أي قرار استثماري، اسأل جهة مرخّصة.
أسئلة شائعة
كيف أحسب كم أدخر شهرياً؟
اطرح المبلغ اللي معك من الهدف، واقسم الباقي على عدد الأشهر المتبقية. الحاسبة تعطيك الرقم بالشهر والأسبوع واليوم.
هل الحاسبة تحسب أرباح أو فوائد؟
لا. الحاسبة تعتمد على الادخار الصافي فقط، عشان تعطيك رقم تعتمد عليه بدون افتراضات.
وش أسوي لو المبلغ الشهري كبير علي؟
مدّد المدة، أو قلل الهدف، أو وفّر من بنود الرغبات مؤقتاً، أو أضف أي دخل إضافي للهدف.
كم هدف أقدر أدخر له في نفس الوقت؟
تقدر أكثر من هدف، لكن ابدأ بصندوق الطوارئ، وبعده هدف أو هدفين واضحين، ولكل هدف حساب منفصل.
هدفك يستاهل خطة تمشي لوحدها
أُولى تُبنى عشان تحوّل أهدافك لخطوات صغيرة تتجمع من مصاريف كانت بتضيع. أول 10,000 بالطابور يجرّبونها قبل الكل.
احجز مكانك في الطابورأدلة لها علاقة
احسب تكلفة رحلتك الحقيقية، وحوّلها لمبلغ شهري يوصلك قبل موعد السفر.
5 دقائق قراءةالمناسبات والمواسمالادخار للزواج: خطة بالأرقام وحاسبة تكاليفاجمع تكاليف زواجك في قائمة واحدة، واعرف كم تحتاج تدخر كل شهر.
5 دقائق قراءةالادخارصندوق الطوارئ: كم تحتاج وكيف تبنيهاحسب كم يلزمك للطوارئ، وابنِه على مراحل بدون ما توقف حياتك.
6 دقائق قراءةالادخارالادخار اليومي أو الشهري: أيهما أفضل لك؟10 ريال يومياً أو 300 بالشهر أو تحدي 52 أسبوع؟ قارن بالأرقام واختر اللي يناسبك.
5 دقائق قراءةالمكتبةكل أدلة أُولىأدلة، دراسات حالة، أرقام وأخبار مشروحة عن الادخار والراتب والميزانية والأقساط، والحاسبات في مكان واحد.
تصفّح الكلمحتوى تثقيفي عام وليس استشارة مالية. الأرقام المذكورة كأمثلة توضيحية، وقراراتك المالية ترجع لظروفك.