حاسبة الميزانية الشهرية
اكتب راتبك الصافي ومصاريفك الشهرية في ثلاث سلال: الاحتياجات، الرغبات، والادخار. الحاسبة تبين لك كم يروح لكل سلة، ونسبته من الراتب، والمبلغ غير الموزّع أو العجز. كل شي يصير على جهازك، وما نحفظ أي رقم.
باختصار
- اكتب الراتب الصافي (بعد الاستقطاعات).
- عدّل البنود أو أضف بنود جديدة في كل سلة.
- الأشرطة تبين نسبة كل سلة مقارنة بالهدف التقريبي.
- الأرقام الافتراضية مثال توضيحي فقط.
الحاسبة
غيّر أي رقم، وأضف بنود بزر «+ بند».
كيف تستخدمها؟
- اكتب راتبك الصافي: المبلغ اللي يدخل حسابك فعلاً بعد الاستقطاعات.
- عبّئ الاحتياجات: السكن، الأقساط الإلزامية، الفواتير، المقاضي، المواصلات.
- عبّئ الرغبات: المطاعم، الطلعات، التسوق، الاشتراكات.
- حدد الادخار: صندوق الطوارئ، أهدافك، والسداد الإضافي للديون.
- شوف النتيجة: لو فيه مبلغ غير موزّع، أعطه وظيفة (الأفضل ادخار). لو فيه عجز، ابدأ بأكبر بند في الرغبات.
كيف تقرأ النتائج؟
الاحتياجات فوق 50%
طبيعي لو عندك إيجار أو قسط كبير. لو فوق 60% إلى 70%، فكر في البنود الكبيرة على المدى البعيد: السكن عند تجديد العقد، أو السيارة عند انتهاء القسط.
الرغبات فوق 30%
هنا أسهل مكان للتعديل. ابدأ بالبنود المتكررة: التوصيل، الاشتراكات، القهوة. اقرأ كيف أوقف الصرف على التوصيل.
الادخار أقل من 10%
ابدأ بأي نسبة، ولو 5%، وارفعها تدريجياً. المهم يكون تحويل أول الشهر، مو اللي يتبقى.
أسئلة قبل ما تعتمد الميزانية
- هل الأرقام مبنية على مصاريف حقيقية من كشف الحساب، ولا تقدير؟
- هل حسبت المصاريف السنوية والموسمية؟
- هل فيه مبلغ للمصروف الشخصي بدون تأنيب ضمير؟
- هل التحويل للادخار مجدول يوم الراتب؟
لأمثلة جاهزة على رواتب محددة، شوف ميزانية راتب 5000 وميزانية راتب 8000 وميزانية راتب 12000 لعائلة.
أسئلة شائعة
كيف أحسب ميزانيتي الشهرية؟
اكتب راتبك الصافي، ثم مصاريفك في ثلاث سلال: احتياجات، رغبات، ادخار. الفرق بين الدخل والمجموع يبين لك الفائض أو العجز.
هل الحاسبة تحفظ بياناتي؟
لا. الحسابات تصير على جهازك داخل الصفحة، وما نرسل أو نحفظ أي رقم.
وش النسبة المثالية لكل سلة؟
نقطة البداية الشائعة 50% احتياجات، 30% رغبات، 20% ادخار. عدّلها حسب سكنك والتزاماتك.
وش أسوي لو طلع عندي عجز؟
ابدأ بأكبر بند في الرغبات، ثم راجع الاشتراكات والتوصيل. وعلى المدى البعيد، فكر في البنود الكبيرة مثل السكن والأقساط.
الميزانية على الشاشة سهلة، الصعب طول الشهر
أُولى تُبنى عشان الميزانية اللي رسمتها هنا تمشي معك يوم بيوم، وتنبهك قبل لا تطلع عنها. أول 10,000 بالطابور يجرّبونها قبل الكل.
احجز مكانك في الطابورأدلة لها علاقة
أشهر طريقة لتقسيم الراتب، مشروحة بالريال ومعدّلة على واقعنا، مع حاسبة.
5 دقائق قراءةالميزانيةميزانية راتب 8000 ريال: كيف توزعه وتدخر منهتوزيع مفصّل لراتب 8000 ريال لمتزوج حديثاً بالإيجار، مع حاسبة تعدّل عليها.
5 دقائق قراءةأدوات وحاسباتحاسبة الادخار والهدفكم تدخر بالشهر عشان توصل لهدفك؟ أو متى توصل لو ادخرت مبلغ ثابت؟
أداة تفاعليةالراتبكيف أدخر من راتبي؟ خطة عملية من 7 خطواتالخطة الأساسية: كيف تخلي الادخار يصير قبل الصرف، مو اللي يتبقى آخر الشهر.
5 دقائق قراءةالميزانيةأرقام وأبحاثدخل وإنفاق الأسرة السعودية: وش قال المسح الرسمي؟آخر نتائج رئيسية منشورة: الأسرة السعودية تنفق أكثر من دخلها في المتوسط. الأرقام ودروسها.
5 دقائق قراءة جديدالمكتبةكل أدلة أُولىأدلة، دراسات حالة، أرقام وأخبار مشروحة عن الادخار والراتب والميزانية والأقساط، والحاسبات في مكان واحد.
تصفّح الكلمحتوى تثقيفي عام وليس استشارة مالية. الأرقام المذكورة كأمثلة توضيحية، وقراراتك المالية ترجع لظروفك.